Mesfushori defansiv i Valencias, Yunus Musah ka shprehur interesimin për t’iu bashkuar skuadrës së Milanit.
Sipas raportimit nga “Calciomervato”, Musah është i interesuar vetëm për transferimin te skuadra e Milanit edhe pse për të janë interesuar edhe skuadra tjera.
Milani është në negociata të vazhdueshme me Valencian për nënshkrimin e mesfushorit, por spanjollët po kërkojnë më shumë nga se kanë ofruar “Rossonerët”.
Valencia po kërkon 25 milionë euro për 20-vjeçarin, por thuhet se marrëveshja mund të arrihet për 20 milionë euro duke pasur parasysh presionin e futbollistit.
Musah ka kontratë deri në vitin 2026 me ekipin spanjoll, ndërsa thuhet se me Milanin tashmë ka firmosur parakontratë.
Ai ka debutuar në vitin 2020 me ekipin e parë të Valencias, ku edicionin e shkuar regjistroi 37 paraqitje në të gjitha garat. Musah ka edhe 24 ndeshje të luajtura për SHBA-në.