Futbollisti i Përfaqësueses së Kosovës, Mërgim Vojvoda, është shprehur i lumtur me kohën e tij te skuadra e Torinos, duke deklaruar se nuk e ka ndërmend të largohet.
Vojvoda shënoi gol në ndeshjen e Kupës së Italisë, ndërkaq në kampionatin Torino u ndal me barazim.
Përfaqësuesi kosovar është kërkuar nga skuadra e Fenerbahçes, por që për të e rëndësishme mbetet Torino.
“Cagliari zhvilloi një ndeshje të fortë sidomos në aspektin difensiv. Gjithsesi, krijuam rastet tona dhe mungoi vetëm goli. E dinim mirë rreshtimin e kundërshtarit, pritej që të qëndronin në mbrojtje dhe nuk mund të fitonim 5-0. Provuam edhe me goditjet nga distanca, por nuk na eci”.
“Unë ndjehem shumë mirë te Torino, jam i lumtur dhe nuk e mendoj fare afatin kalimtar. Me trajnerin Juric mësoj shumë dhe marrëdhënia jonë është gjithmonë e më e mirë”, u shpreh Vojvoda.