Policia e Kosovës ka njoftuar se ka arrestuar një vajzë me inicialet L.S., pasi e njëjta dyshohet se ka kryer veprën penale “Mashtrim”.
Siç bënë të ditur Policia të arrestuarën në polici e ka raportuar një punëtor i një poste, përcjell Paparaci.
Sipas njoftimit të Policisë ankuesi ka raportuar se më 18 shtator të këtij viti ka pasur të sjellë një dërgesë në Gjilan, në vlerë pre 2 mijë e 650 eurove tek personi i gjinisë femërore me inicialet M.H., që tashmë ka rezultuar emër i rrejshëm.
Policia bën te ditur se pasi e dyshuara ka pranuar porosinë i ka thënë postierit se po shkon për t’i marrë paratë dhe të ia sjellë atij, mirëpo ajo largohet në drejtim të panjohur dhe kësisoj mashtron postierin.
Arrestimi i saj është bërë gjatë ditës së sotme dhe e njëjta ka pranuar se ka mashtruar postierin.
“Pas një pune intensive të njësive hetimore të Policisë në këtë rajon sot me 09.12.2021 është arrit që e dyshuara me iniciale (L.S.) të identifikohet dhe arrestohet, e cila në prezencë të avokatit mbrojtës pranon se ka kryer veprën penale ‘Mashtrim’”, njofton Policia.
Me vendim të prokurorit e dyshuara është dërguar në mbajtje për 48 orë./Paparaci.com