Tashmë janë shitur biletat për ndeshjen Kosovë – Zvicër, e vlefshme për kualifikimet e “Euro 2024”.
Federata e Futbollit e Kosovës i lëshoi të martën në shitje biletat për ndeshjen që Kosova e luan ndaj Zvicrës më 9 shtator në stadiumin “Fadil Vokrri”.
Biletat për tribunat në veri dhe jug kushtuan nga 5 euro, për lindje 10 euro, perëndim 20 euro, kurse bileta VIP ishte 80 euro.
Megjithatë, në faqen zyrtare përmes të cilës janë shitur bileta, të martën pasdite nuk ka pasur bileta në dispozicion.
Ndërkohë, vetëm pak minuta pas njoftimit të FFK-së për daljen në shitje të biletat, faqja e internetit për shitjen e tyre ra nga sistemi.
Ndonëse faqja u hap pastaj, tashmë sipas saj, nuk ka bileta.