Kryeministri i Kosovës, Albin Kurti ka uruar nxënësit, mësimdhënësit dhe prindërit për fillimin e vitit të ri shkollor. Ai derisa ka shtuar se për sigurimin e teksteve shkollore kanë nis një rrugë të re, thekson se për herë të parë po ndajnë mjete shtesë për materiale shkollore të nevojshme për nxënësit.
Ai në Facebook se në veçanti, ka uruar të gjithë nxënësit që për herë të parë ulen në bankat shkollore.
“Për ta sot fillon një rrugëtim i ri, i cili do të përcaktojë të ardhmen e tyre por edhe të shtetit të Kosovës. Për të përmbushur obligimin tonë për të siguruar tekstet shkollore, këtë vit kemi zgjedhur një rrugë të re. Po ashtu, si asnjë vit më parë, përveç teksteve shkollore po ndajmë edhe mjete shtesë për materiale shkollore të nevojshme për nxënësit tanë. Arsimi dual për këtë vit shkollor po zgjerohet në gjithsej 12 profile të ndryshme, në 21 shkolla profesionale dhe 13 komuna, duke ndërtuar kështu urën ndërmjet arsimit dhe ekonomisë, diplomës së shkollës dhe vendit të punës” ka shkruar ai.