Deputeti nga radhët e PDK-së, Bedri Hamza, ka reaguar në Facebook për 24 vjetorin e themelimit të kësaj partie.
Përmes postimit, Hamza u shpreh se PDK është parti e dalur nga lufta, e shtetformimit, shtetndërtimit dhe krijimit të institucioneve.
Ai ka uruar të gjithë edhe ish-krerët e UÇK-së, Hashim Thaqin dhe Kadri Veselin të cilët janë duke u gjykuar në Hagë, duke thënë se janë meritorët për këtë parti dhe edhe tani janë duke zhvilluar betejën e fundit të luftës për liri.
“Gëzuar atyre më meritorëve që edhe sot janë duke e zhvilluar betejën e fundit të luftës për liri, Hashimit dhe Kadriut, e që presim shpejt të jenë në mesin tonë! Gëzuar për aktivistët besnikë të partisë, atyre që nuk lodhen asnjëherë!”, ka shkruar Hamza.