Zjarri i madh që përfshiu qytetin kanadez të Jasper ditët e fundit dogji veturat në rrugë dhe i ktheu shtëpitë në hi.
Imazhet e para të shkatërrimit në qytetin e famshëm turistik janë shfaqur pas kaplimit nga zjarri.
Ka qenë e vështirë për të kuptuar përmasat e asaj që ndodhi sepse zjarri doli jashtë kontrollit për ditë të tëra gati 100 metra i lartë.
Rreth 25,000 njerëz u evakuuan nga qyteti dhe Parku Kombëtar Jasper, në Alberta, shkruan BBC.
Të premten, autoritetet nga Parku Kombëtar Jasper thanë se 358 nga 1113 strukturat në qytet ishin shkatërruar.
Megjithatë, e gjithë infrastruktura kritike ishte e mbrojtur, duke përfshirë spitalin, bibliotekën dhe ndërtesën e zjarrfikësve.
Një listë e adresave ku ndërtesat janë dëmtuar është duke u finalizuar dhe do të publikohet “së shpejti”, thanë autoritetet.
Një vendas që e di se ka humbur shtëpinë e tij është kryetari i bashkisë Jasper Richard Ireland, i cili u kthye në qytet me zyrtarë të tjerë të premten.
Ai qëndroi përballë asaj që kishte mbetur nga shtëpia e tij, pakësuar në disa blloqe çimentoje të djegur dhe tha: “Tani, është mirë, janë vetëm kujtime të familjes dhe zjarrit”.
Ireland foli për një fotografi të humbur nga flakët, ku ai ishte vetëm një dyvjeçar i ulur në disa kuti lëvizëse pranë një torte ditëlindjeje pikërisht në atë shtëpi. Ai kishte jetuar në të njëjtën adresë për 67 vjet.
“Shumë të tjerë do të përjetojnë të njëjtën gjë”, tha ai për mediat lokale.
Imazhet e reja tregojnë dëme të jashtëzakonshme në qytetin e famshëm turistik, i vendosur në shkëmbinjtë e famshëm kanadezë.
Hotelet dhe një kishë u shkatërruan, si dhe shumë shtëpi.
