Italiani Manuel Lombardo është kundërshtari i Akil Gjakovës në çerekfinale të Lojërave Olimpike.
Lombardo është prej xhudistëve më të mirë të kategorisë deri 73 kilogramë. Ai është i renditur i katërti në ranglistën botërore. Akili, në anën tjetër, ndodhet i renditur në vendin e 17-të.
Me Lombardon, Akili ka dy fitore e një humbje. Kishte fituar në vitin 2022 dhe vjet në finale të Evropianit të Hapur në Prishtinë.
Ndërkohë ka pësuar në 1/8 e finales në Botërorin e vitit të kaluar në Doha.
25-vjeçari Lombardo i ka dy medalje të argjendta botërore dhe një të artë evropiane.
Lufta mes Gjakovës dhe Lombardos zhvillohet sot pas orës 16:00.