Kryetari i komunës së Kumanovës dhe lideri i partisë qeveritare ZNAM – Për Maqedoninë e Veriut është takuar sot me ambasadorin e Rusisë.
Maksim Dimitrievski, përmes Facebookut ka njoftuar se është takuar me ambasadorin rus, Sergej Bazdnikin, me të cilin ndër të tjera ka biseduar për mundësinë e prezantimit të studimit të gjuhës ruse në shkollat e Kumanovës.
“Sot, ambasadori i Federatës Ruse N. E. Sergej Aleksandroviç Bazdnikin, ishte në vizitë në Komunën e Kumanovsë. Në takim u diskutua për një sërë temash aktuale me theks në mësimin e gjuhës ruse në shkollat fillore dhe të mesme në Kumanovë”, thuhet shkurt në postimin në faqen e Dimitrievskit në Facebook.