KEDS ka njoftuar se konsumatorët kanë shpenzuar dukshëm energji elektrike përgjatë ditës së sotme dhe ky trend ende po vazhdon.
Nëpërmjet një njoftimi në Facebook, ka apeluar tek qytetarët që të shpenzojnë rrymën sa më racionalisht.
“Të shfrytëzohet sa më racionalisht energjia elektrike në mënyrë që ta kalojmë ndërrimin e motmoteve pa ndërprerje të energjisë elektrike.
Në orët e pasdites së sotme, konsumi i energjisë elektrike është rritur dukshëm dhe ky trend është duke vazhduar edhe në këto momente. Në mënyrë që të parandalohen mbingarkesat në rrjet, KEDS bën përsëri apel që të kursehet energjia elektrike aty ku mundet dhe të shfrytëzohet sa më racionalisht.
Ekipet tona janë mobilizuar në secilin distriktin për të intervenuar në kohën më të shpejtë të mundshme në rast nevoje derisa nga Qendra Dispeçerike po përcjellet e tërë infrastruktura energjetike përmes sistemeve më të avancuara”, thuhet në njoftim.