Kosova e ka humbur në tavolinë ndeshjen ndaj Rumanisë me rezultat zyrtar, 3:0.
Shtëpia evropiane e futbollit (UEFA) ka marrë vendimin sot për ndeshjen e shumëpërfolur mes Rumanisë e Kosovës.
Përpos humbjes së ndeshjes, FFK-ja është gjobitur edhe me 6 mijë euro për shkak të sjelljeve të pahijshme të futbollistëve.
Ndërkaq, Federata Rumune e Futbollit është dënuar me 128 mijë euro.
Federata Rumune është gjobitur me me 50,000 euro dhe një ndeshje pa tifozë për shkak të sjelljeve raciste ose diskriminuese të tifozëve të saj. Me 30 mijë euro gjobë për transmetimin e mesazheve provokuese politike që nuk janë të përshtatshme për një ngjarje sportive .
9000 euro për hedhjen e sendeve, 4500 euro për ndezjen e fishekzjarrëve, 8000 euro për përdorimin e treguesit laser, 12,500 euro për shkak të shqetësimit gjatë himnit kombëtar., 14,000 euro për bllokimin e rrugëve publike.