Eugen Cakolli nga organizata jo-qeveritare Demokracia në Veprim (DnV) tha se qeverisë aktuale do t’i skadojnë kompetencat e saj kushtetuese në momentin e certifikimit të rezultateve nga Komisioni Qendror i Zgjedhjeve.
Cakolli tha se mandati i qeverisë ndërlidhet direkt me mandatin e kuvendit.
“Mandati i Qeverisë lidhet drejtpërdrejt me mandatin e Kuvendit, i cili përfundon me certifikimin e rezultateve të zgjedhjeve, jo me përmbushjen e katër viteve nga konstituimi i Kuvendit (22 mars)”, tha ai.
“Prandaj, Qeveria aktuale ushtron të gjitha kompetencat e saj kushtetuese deri në certifikimin e rezultateve nga KQZ-ja”, tha Cakolli.
Cakolli tha se ekzekutivit do t’i ndërrohet statusi në ‘qeveri në detyrë’ vetëm pasi të konstituohet kuvendi.
“Anëtarët e kabinetit qeveritar që janë zgjedhur deputetë duhet të japin dorëheqje para certifikimit të rezultateve. Vetëm atëherë, Qeveria kalon në statusin e “Qeverisë në detyrë” – derisa të zgjidhet Qeveria e re”, tha ai. /Paparaci.com