Komisioni Qendror i zgjedhjeve bëri të ditur se numërimi i votave të diasporës nga votimi fizik në përfaqësitë diplomatike pritet të përfundojë sot gjatë ditës për të vazhduar më pas me numërimin e votave me postë.
Zëdhënësi i KQZ-së, Valmir Elezi tha se deri më tani nuk ka pasur ndonjë problem gjatë procesit të numërimit të këtyre votave.
“Sa i përket numërimit të votave që u takojnë përfaqësive diplomatike ky proces do të kryhet sot , ditën e enjte për të nisur pastaj numërimin e votave të diasporës nga votimi me postë që janë më shumë se 63 mijë. Deri në mesnatë janë numëruar gati gjysma e kutive”, tha Elezi.