Ferizaj ka mposhtur Suharekën me rezultat 3 me 1, fitore që i mundëson ekipit të distancohet nga ekipet e tjera që po luftojnë për mbijetesë.
Albion Kurtaj realizoi nga penaltia, ndërkaq Edon Sadriu dhe Marko Musulin realizuan nga loja e hapur.
Golin e nderit për suharekasit e realizoi Zeka.
Me këtë fitore, Ferizaj tubon 29 pikë në pozitën e gjashtë, katër më shumë se Dukagjini që ndodhet në zonën e rrezikut. Ekipi nga Klina ka një ndeshje më pak të zhvilluar.
Ferizaj ndeshjen e ardhshme e zhvillon me Llapin që po lufton për mbijetesë dhe është në pozitën e parafundit në Superligë.