Ministri i Punëve të Brendshme, Xhelal Sveçla, ka njoftuar se policia e Kosovës ka konfiskuar 272 pajisje për minim të kriptovalutave në afërsi të fshatit Trebice të komunës së Leposaviqit.
Sveçla në Facebook se nga ky aksion i cili i zhvillua në orët e para të mëngjesit të sotëm është arrestuar një person, si dhe ka njoftuar se nuk kanë ndodhur incidente.
“Sot në orët e para të mëngjesit, pas kërkesës së Doganave të Kosovës, Policia e Kosovës ka organizuar aksionin e zbulimit dhe konfiskimit të paisjeve për minim të kriptovalutave.
Në këtë aksion në afërsi të fshatit Trebice të komunës së Leposaviqit u konfiskuan 272 nga këto lloj paisjesh dhe është arrestuar një person. Gjithë aksioni u zhvillua dhe përfundoi pa incidente. Aksione të këtilla do të vazhdojnë deri në implementimin e plotë të vendimit të Kuvendit dhe Qeverisë së Republikës”, ka shkruar Sveçla.
