Udhëheqësi suprem i Iranit Ayatollah Ali Khamenei emëroi komandantët e rinj në krye të entiteteve kryesore ushtarake pasi Izraeli vrau drejtuesin e tij të lartë.
Gjenerali Mohammad Pakpour u emërua të premten si komandanti i ri i Korpusit të Gardës Revolucionare Islamike (IRGC), një entitet paralel me ushtrinë e rregullt që Irani e krijoi për të shtypur mospajtimin brenda vendit dhe për të projektuar fuqinë e Republikës Islamike jashtë vendit. Ai e zëvendëson Hossein Salamin, i cili u vra nga Izraeli të premten.
Khamenei emëroi gjithashtu gjeneralmajor Abdolrahim Mousavin në pozitën e Shefit të Shtabit të Forcave të Armatosura për të zëvendësuar gjeneralin Mohammad Bagheri, i cili u vra më herët të premten.
Dhe gjeneralmajor Ali Shadmani zëvendëson gjenerallejtënant Gholam Ali Rashidin si kreun e Shtabit Qendror të Khatam al-Anbiya, një ent që koordinon midis IRGC-së dhe ushtrisë së rregullt.