Kaqun Lima, shef i Operativës në Brigadën e Zjarrfikësve të Gjakovës, ka mbetur i vdekur pas një aksident sot gjatë ditës.
Këtë për Klankosova.tv e ka bërë të ditur zyrtarja e lartë për media dhe marrëdhënie me publikun, Vlera Krasniqi, e cila njoftoi se i aksidentuari ka vdekur në QKUK.
“Rreth orës 15:25 në fshatin Meje në komunën e Gjakovës ka ndodhur një aksident mes dy automjeteve ku si pasojë e aksidentit, dy persona janë dërguar për trajtim mjekësor. Ndërsa në orën 20:20 kemi pranuar informatën që njëri prej të lënduarve ka ndërruar jetë në QKUK”, thuhet tutje në konfirmim.
Lima ishte aksidentuar me një kamion tjetër derisa ishte në kryerje të detyrave.