Presidentja Osmani njoftoi se pas kërkesës së saj për vazhdimin e programit të MCC-së në Kosovë, është informuar nga Zv. Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën.
Postimi i saj i plotë:
Pas takimeve të shkëlqyeshme në Washington D.C ku diskutuam për rëndësinë e Kompaktit të MCC për Kosovën, jam informuar edhe zyrtarisht nga Zv. Sekretari amerikan i Shtetit, Christopher Landau, se Administrata Trump ka miratuar vazhdimin e këtij programi për Kosovën — një program me ndikim transformues për sektorin e energjisë dhe zhvillimin ekonomik të vendit tonë.
Lajm i shkëlqyeshëm për Kosovën!
Mirënjohje e thellë për Shtetet e Bashkuara të Amerikës!