Të paktën 33 palestinezë të tjerë që kërkonin ndihmë ushqimore në Gaza janë vrarë nga zjarri izraelit, sipas spitaleve në territor.
Dëshmitarët përshkruan se janë përballur me të shtëna me armë zjarri ndërsa turma të uritura u dyndën drejt vendeve të ndihmës dje, dhe Shoqata Palestineze e Gjysmëhënës së Kuqe tha se një anëtar i stafit u vra kur forcat izraelite bombarduan zyrën e saj.
Dy spitale në Gazën jugore dhe qendrore kanë raportuar se kanë marrë trupa nga rrugët që të çojnë në vendet e ndihmës së Fondacionit Humanitar të Gazës të mbështetur nga Izraeli, përfshirë 11 të vrarë në zonën Teina ndërsa përpiqeshin të arrinin në një pikë shpërndarjeje në Khan Younis, shkruan Skyneës.
Një dëshmitar, Yousef Abed, përshkroi se u përball me të shtëna pa dallim dhe pa të paktën tre persona duke rrjedhur gjak në tokë.
“Nuk munda të ndalesha dhe t’i ndihmoja për shkak të plumbave”, tha ai.
Shifrat e publikuara nga OKB-ja tregojnë se 859 persona u vranë pranë vendeve të Fondacionit Humanitar në Gaza nga 27 maji deri më 31 korrik dhe qindra të tjerë janë vrarë përgjatë rrugëve të konvojeve me ushqim të udhëhequra nga OKB-ja.