Përparim Rama: Çeku vet kërkoi me caktu vendin e kohën, unë e caktova, ai nuk është – kjo tregon demagogji
Kryetari i Prishtinës, Përparim Rama, ka ironizuar me mungesën e kandidatit Hajrulla Çeku në debat.
Rama ka thënë se ai vet kishte kërkuar të caktohet vendi e koha e debatit, por sonte mungon.
“Kishte me qenë mirë me qenë edhe të tjerët sepse debati është gjithmonë pozitiv, diskutimet janë të mira, perspektivat i mirëpres. E keni pa që ai vet ka publiku video ku ka kërku me i caktu vendin kohën, unë e caktova, dhe ai nuk është këtu, do të ishte mirë të ishte këtu. E tregon vetëm demagogjinë e vet. Po t’i qëndronte asaj videoje do të ishte këtu”, tha ai në Klan Kosova.
Përparim Rama për zhbllokimin e trafikut: Unaza e brendshme, transporti i ri i Prishtinës, transformimi me mësim tërëditor
Kryetari i Prishtinës, Përparim Rama, ka treguar projektet që ka realizuar me qëllim të zhbllokimit të trafikut.
Rama ka thënë se pjesë e kësaj është unaza e brendshme.
“Unazën e brendshme e kemi në përfundim e sipër që është pjesë e zgjidhjes së problemit të trafikut, 10 shkolla po i ndërtojmë, tri kanë përfundu. Transporti i ri i Prishtinës, është në fazë që kemi bërë biletën e integruar transportin urban me sektorin privat, kemi unifikuar këto dy, për të mirën e qytetarëve. Sot ofrojmë një biletë të unifikuar, e qytetarët mund të udhëtojnë në të gjitha pjesët e kryeqytetit”, tha ai në Klan Kosova.
Rama premtoi se priten të vijnë edhe 91 autobusë.
“Kemi punuar që tri vite në projekt, së bashku me konsulent, ka qenë proces i analizuar, është rrjeti i ri i transportit të Prishtinës, ku secilën lagje e kemi me transport urban, tash kemi edhe minibusët 9 metërsh, dhe 12-metërshat nuk kanë mund me lëviz në gjitha pjesët. Edhe 91 autobusë vijnë deri në fund të vitit, 121 autobusë të cilët vetëm se janë pjesë e këtij procesi. Në janar të gjitha fshatrat do të kenë autobusët në të gjitha pjesët e kryeqytetit. Kemi edhe sistemin e ri TRIP, në bashkëpunim me komuna si Fushë Kosova, Obiliqi, Fushë Kosova, ta zgjerojmë trafikun”, tha Rama.
Ai përmendi edhe mësimin tërëditor, si masë në zhbllokimin e trafikut.