Kryetari i Prishtinës, Përparim Rama, mori pjesë në takimin e dytë të Grupit Punues për Kosovën (Working Group on Kosovo), të organizuar nga Komiteti Evropian i Rajoneve.
Në këtë takim, Rama theksoi rëndësinë e rolit të qyteteve në rrugën evropiane të Kosovës, duke u fokusuar tek arsimi modern, digjitalizimi, energjia e gjelbër dhe infrastruktura e qëndrueshme.
Ai shtoi se Prishtina është gati të kontribuojë aktivisht në këtë proces, duke promovuar bashkëpunimin, inovacionin dhe standardet evropiane në kryeqytetin e vendit.
“E ardhmja evropiane e Kosovës fillon nga qytetet dhe mënyra si edukojmë, ndërtojmë dhe bashkëqeverisim”, shkroi Rama në postimin e tij.