Qeveria në detyrë e Kosovës ka propozuar miratimin e një vendimi për alokimin e buxhetit për Radio Televizionin e Kosovës, në mbledhjen e qeverisë të enjten.
Vendimi pritet të miratohet në mbledhje që ka nisur rreth orës 12:00.
Kryeministri në detyrë Albin Kurti tha se mjetet për RTK-në do të ndahen nga kategoria e kursimeve.
“Në këtë mbledhje, mjetet e nevojshme [RTK-së] i ndahen nga kategoria e kursimeve”, tha Kurti në fillim të mbledhjes.
“Kjo është veçse një improvizim i detyruar”, tha Kurti.
Sipas tij, buxheti për RTK-në duhej të miratohej në Kuvendin e Kosovës, por atë “refuzuan kategorikisht partitë e tjera”. /Paparaci.com