Rreth pesëdhjetë ish-stjuardesë të kompanisë “Alitalia” u mblodhën jashtë bashkisë së Romës të mërkurën (20 tetor), duke zgjedhur një mënyrë origjinale për të protestuar kundër mbylljes se kompnisë ajrore.
Stjuardeset protestuan para Bashkisë për humbjen e vendit të punës por edhe për kushtet jo të mira të punës.
Gjatë protestës ato u zhveshën për të treguar zemërimin e tyre kundrejt kompanisë.
Punonjëset e ish linjës ajrore kombëtare italiane u zhveshën ngadalë dhe në heshtje, duke hedhur uniformat në tokë për të shprehur pakënaqësinë e tyre pas falimentimit të kompanisë.
“Alitalia” ndërpreu veprimtarinë javën e kaluar, pas 74 vitesh histori dhe u zëvendësua nga ITA, e cila është gjithashtu nën kontrollin e shtetit.
Kur ITA filloi punën të premten e kaluar, ajo punësoi vetëm 2.800 nga rreth 11.000 punonjës të Alitalia.