Ambasada e Shteteve të Bashkuara në Prishtinë ka shprehur gatishmërinë për të thelluar partneritetin me Qeverinë e Kosovës, por ka bërë të qartë se kjo varet nga hapat që do të ndërmarrë ekzekutivi kosovar.
Një zëdhënës i Ambasadës amerikane konfirmoi dëshirën e Uashingtonit për të rifilluar “dialogun strategjik”, një proces ky i pezulluar prej muajit shtator si pasojë e mospajtimeve politike.
Sipas Ambasadës, synimi mbetet avancimi i një agjende të përbashkët që fokusohet në paqen rajonale dhe stabilitetin ekonomik.
“Kjo do të kërkojë veprime nga Qeveria e Kosovës për të avancuar agjendën tonë të përbashkët të paqes rajonale, stabilitetit dhe prosperitetit të ndërsjellë ekonomik,” tha zëdhënësi i ambasadës për RTV21.