Opinonistja Aida Dërguti në “Rubikon” në Klan Kosova tha se opozita nuk arriti ta kuptonte lojën e kreut të VV-së, Albin Kurtit.
Ajo tha se Nisma pati kritikën më të artikuluar ndaj pushtetit, transmeton Klankosova.tv.
“Opozita e pat shansin historik që e humbi qysh në start, duke nxituar me deklarime që nuk janë për një qeveri të opozitës. Në fakt LDK-ja duke refuzuar që të dyja palët, dhe Nisma e cila nëse i shohim debatet e fushatës së 9 shkurtit, ka qenë më i artikuluari në kritikën ndaj pushtetit”, tha Dërguti.
Edhe data e zgjedhjeve, sipas Dërgutit, ishte e planifikuar për në dhjetor, në kohën kur vjen mërgata.