Sekretari i Shtetit, Marco Rubio, tha të dielën se Shtetet e Bashkuara duan të shohin një tranzicion demokratik në Venezuelë, por nuk dha një afat kohor.
Rubio argumentoi se administrata “duhet të merret me realitetin e menjëhershëm” dhe tha se diskutimi i një afati të mundshëm për zgjedhje në Venezuelë është “i parakohshëm”.
“Ka çështje afatshkurtra që duhet të adresohen menjëherë. Të gjithë ne dëshirojmë të shohim një të ardhme të ndritur për Venezuelën, një tranzicion drejt demokracisë. Të gjitha këto janë gjëra të mira dhe të gjithë duam t’i shohim,” tha ai në emisionin Meet the Press të NBC-së.
Rubio tha në emisionin Face the Nation të CBS-së se “duhet të ketë pak realizëm këtu”.
“Ata e kanë pasur këtë sistem të Chavizmit në vend për 15 ose 16 vjet, dhe të gjithë po pyesin pse, 24 orë pasi Nicolás Maduro u arrestua, nuk ka zgjedhje të caktuara për nesër. Kjo është absurde,” tha ai.