Dy persona u qëlluan për vdekje dhe gjashtë të tjerë u plagosën gjatë një ceremonie funerali në Salt Lake City, kryeqyteti i shtetit amerikan të Utahut, njoftoi policia.
Sipas saj, tre nga të plagosurit ishin në gjendje kritike për jetën.
Të shtënat e ndodhën në parkimin e një kishe mormone, ku po mbahej funerali.
Policia u tha gazetarëve në vendngjarje se kishte pasur një mosmarrëveshje më parë.
Fillimisht nuk ishte e qartë nëse ishte përfshirë një person apo më shumë.
Policia ka nisur një kërkim për autorin ose autorët, duke thënë në X se “kanë marrë prova të forta dhe po punojnë për të lokalizuar personat e përfshirë në ngjarje”.
Nuk ka pasur arrestime deri tani.
”Agjencia Federale e Hetimeve (FBI) ofroi mbështetje”, shkroi agjencia në X.