Policia e Kosovës ka ekstraduar të premten në Maqedoninë e Veriut një të dyshuar i cili kërkohej përmes INTERPOL-it.
Paparaci merr vesh se i dyshuari është Orhan Bardhi, një shtetas maqedonas.
Bardhi dyshohet për veprat penale ‘prodhimi i paautorizuar dhe lëshimi në qarkullim i substancave narkotike’
Sipas njoftimit të Policisë, ekstradimi u realizua falë bashkëpunimit ndërmjet institucioneve të Kosovës dhe Maqedonisë së Veriut, tha Policia e Kosovës.
Drejtoria për Bashkëpunim Ndërkombëtar Policor tha se do të vazhdojë me “shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit.