Çmimet e naftës zgjatën humbjet të martën, ndërsa tregjet peshuan perspektivat për rifillimin e furnizimit përmes Ngushticës kyçe të Hormuzit kundrejt faktorëve të paqëndrueshëm të tregut fizik dhe mungesës së detajeve nga një marrëveshje paraprake për t’i dhënë fund luftës me Iranin.
Kontratat e ardhshme të naftës së papërpunuar Brent ranë me 25 cent, ose 0.3%, në 82.92 dollarë për fuçi dhe nafta amerikane West Texas Intermediate ra me 9 cent, ose 0.1%, në 80.66 dollarë për fuci, raporton Reuters.
Të hënën, çmimet e naftës ranë me gati 5% në mbylljen e tyre më të ulët që nga 4 marsi, pasi Presidenti i SHBA-së Donald Trump tha se u nënshkrua një memorandum mirëkuptimi për t’i dhënë fund luftës SHBA-Izrael me Iranin, megjithëse detajet e plota nuk janë bërë publike.