Melat Kiros, një aktiviste 29-vjeçare për të drejtat e punëtorëve dhe avokate, ka fituar zgjedhjet paraprake të Partisë Demokratike në distriktin e parë të Colorado-s. Ajo mposhti Diana DeGette, e cila ka shërbyer në Dhomën e Përfaqësuesve për gati 30 vjet. Kiros, e cila u zhvendos në Shtetet e Bashkuara nga Etiopia si foshnjë, siguroi më shumë se dyfishin e votave të DeGette-s, pavarësisht se kishte më pak se gjysmën e fondeve të kundërshtares së saj.
Gjatë fushatës, Kiros bëri thirrje për një embargo të plotë të armëve ndaj Izraelit, ndërsa DeGette mbështet dërgimin e armëve mbrojtëse. Kiros ka deklaruar se planifikon të luftojë kundër Donald Trump dhe “oligarkisë”, të shfuqizojë Agjencinë për Imigracion dhe Dogana (ICE), të miratojë “Medicare për të gjithë” dhe t’i japë fund veprimeve të Izraelit në Gaza.
Në gara të tjera, përfaqësuesi i shtetit, Manny Rutinel, fitoi primaret për Distriktin e Tetë kundër ish-përfaqësueses Shannon Bird. Ndërkohë, senatori demokrat John Hickenlooper mposhti sfidën e senatores Julie Gonzales, e cila e përshkroi veten si progresiste rebele.
Ai tejkaloi në fonde senatorin Michael Bennet me një milion dollarë. Weiser, i cili ka shërbyer më parë në administratat e Barack Obamas dhe Bill Clintonit, do të jetë kandidati demokrat për guvernator në zgjedhjet e nëntorit, pasi guvernatori aktual Jared Polis nuk mund të kandidojë për shkak të kufizimeve të mandateve.
Kandidatët progresivë shënuan fitore në disa gara të tjera në Colorado të martën. Këto rezultate vijnë në një kohë kur Partia Demokratike po përballet me një debat të brendshëm mbi drejtimin politik të saj, ndërsa synon të fitojë kontrollin e Kongresit në zgjedhjet e mesvjetorit.
Burimi: aljazeera.com