Kryeministri i Irakut, 40-vjeçari Ali al-Zaidi, u takua të martën në Shtëpinë e Bardhë me presidentin amerikan Donald Trump. Gjatë takimit, Trump shprehu mbështetje për al-Zaidin, duke e cilësuar si një “kampion të ri” dhe duke premtuar thellimin e lidhjeve ekonomike, veçanërisht në sektorin e naftës.
Si Trump ashtu edhe al-Zaidi konfirmuan se këto forca do të largohen plotësisht nga vendi deri më 30 shtator. Kjo është e njëjta datë kur kryeministri irakian është zotuar se fraksionet e armatosura aktive në Irak do të çarmatosen.
Megjithatë, Sekretari i Mbrojtjes i SHBA-së, Pete Hegseth, i cili u takua më vonë me al-Zaidin, kërkoi që Iraku të afirmojë sovranitetin e tij dhe të çarmatosë milicitë e lidhura me Iranin. Në të njëjtën ditë, grupi Kataib Hezbollah, pjesë e “aksës së rezistencës” iraniane, deklaroi se është i gatshëm të marrë pjesë në luftë kundër SHBA-së nëse nis një konflikt ndaj Iranit.
Analistët vlerësojnë se vizita e al-Zaidit nxjerr në pah vështirësinë e Irakut për të balancuar marrëdhëniet me dy fuqi kritike. Sipas një burimi të informuar, Iraku po kërkon të sigurojë një kredi nga Fondi Monetar Ndërkombëtar deri në 8 miliardë dollarë.
Inna Rudolf, hulumtuese në Centre for Statecraft & National Security në King’s College London, theksoi se ndërsa Bagdadi kërkon të forcojë lidhjet me Washingtonin, ai nuk do të tolerojë që territori i tij të përdoret si bazë për sulme kundër Iranit. Ajo shtoi se përshkallëzimi i tensioneve mund të shkaktojë rreziqe të drejtpërdrejta për sigurinë e Irakut, duke rrezikuar stabilitetin e brendshëm dhe duke kufizuar hapësirën diplomatike të vendit.
Burimi: aljazeera.com