Edicioni i 83-të i Festivalit të Filmit në Venecia do të hapet më 2 shtator me filmin “Ink” të regjisorit Danny Boyle. Filmi trajton blerjen e gazetës “The Sun” nga Rupert Murdoch në vitin 1969, ndërsa rolin e manjatit të mediave e luan aktori australian Guy Pearce. Skenari është shkruar nga dramaturgu James Graham.
Ky projekt fokusohet te Elon Musk, pronari i rrjetit social X. Festivali, i cili drejtohet nga Alberto Barbera, synon të trajtojë figura të rëndësishme të mediave të epokës së shtypit dhe asaj digjitale.
Programi përfshin gjithashtu filmin “Wild Horse Nine” të regjisorit Martin McDonagh, ku luajnë John Malkovich dhe Sam Rockwell. Robert Pattinson do të shfaqet në thrillerin psikologjik “Primetime” të regjisorit Lance Oppenheim, ndërsa Penélope Cruz dhe Javier Bardem janë protagonistë në filmin “Bunker” të Florian Zeller.
Për sa i përket dokumentarëve, do të shfaqet “Don’t Look Back in Anger” për grupin Oasis, me pjesëmarrjen e konfirmuar të Liam dhe Noel Gallagher, si dhe “What Love Builds” për Russell Crowe. Regjisori Nanni Moretti do të prezantojë filmin “Succederà Questa Notte” në konkurrencë, duke shënuar rikthimin e tij në Venecia pas vitit 1989.
Në garën për çmimin kryesor “Golden Lion”, e cila përfshin 20 tituj, është përfshirë vetëm një regjisore femër, May El-Toukhy, me dramën “Woman Unknown”. Kjo shënon një ndryshim krahasuar me vitin 2025, kur gjashtë regjisore femra konkurruan për këtë çmim.
Burimi: theguardian.com