Policia gjermane ka vrarë personin e dyshuar për sulmin e ndodhur gjatë një aktiviteti të “Paradës së Krenarisë” në Berlin, raportojnë mediat lokale.
Sipas transmetuesit rajonal RBB, i dyshuari është identifikuar si Abdul Ballout, 21 vjeç, i cili u qëllua për vdekje gjatë një operacioni policor në një kompleks kopshtesh në zonën Spandau të kryeqytetit gjerman.
Pas sulmit, autoritetet kishin nisur një operacion të gjerë kërkimi, ku morën pjesë qindra pjesëtarë të policisë. Operacioni përfundoi me gjetjen dhe neutralizimin e të dyshuarit.
Ngjarja kishte ndodhur rreth orës 22:00 të mbrëmjes së kaluar, gjatë një aktiviteti të komunitetit Pride në Berlin, duke shkaktuar alarm dhe reagim të menjëhershëm nga autoritetet e sigurisë.
Më herët, policia gjermane kishte bërë të ditur se i dyshuari, i lindur në Gjermani dhe me prejardhje libaneze, kishte pasur lidhje të dyshuara me qarqe të ekstremizmit islamist në Berlin.