Çmimet e derivateve në vend mund të rriten edhe më shumë.
Këtë e thanë nga shoqata e Naftëtarëve në Kosovë.
“Sipas të gjitha gjasave do të ketë rritje ekstreme. Dihet që muajin dhjetor organizata prodhuese OPEC ka thënë se në muajin janar do të ketë stabilizim tregu, por kjo nuk është duke ndodhur”, tha Fadil Berjani, kryetar i kësaj shoqate.
Faktor për këtë sipas Berjanit janë lëvizjet e çmimeve në tregjet ndërkombëtare, pa përjashtuar edhe situata e tensionuar Rusi-Ukrainë.
Shoferët thonë se edhe kjo rritje aktuale është e papërballueshme.
Aktualisht, në nivel global nafta tregohet me 90 dollarë për fuçi në bursa.