Pjesë e diskutimit të konferencës së djeshme të presidentit rus, Vladimir Putin dhe kancelarit gjerman, Olaf Scholz, ka qenë edhe Kosova.
Kështu raporton agjencia e njohur e lajmeve Reuters, transmeton Paparaci.
Sipas mediumit në konferencën e përbashkët në Moskë, presidenti rus, Vladimir Putin, kritikoi ndërhyrjen e NATO-s në luftën mes Serbisë dhe Kosovës.
Sipas Putinit, NATO-ja kishte nisur një luftë në Evropë duke bombarduar Serbinë në vitin 1999, shkruan Reuters.
Kësaj deklarate iu ka përgjigjur kancelari gjerman i cili ka thënë se bombardimet e vitit 1999-të ishin bërë për të parandaluar gjenocidin, transmeton Paparaci.
Kur Putin kritikoi NATO-n, duke thënë se kishte nisur një luftë në Evropë duke bombarduar Serbinë në vitin 1999, Scholz u kundërpërgjigj, duke thënë se kjo ishte bërë për të parandaluar gjenocidin, një referencë për persekutimin e shqiptarëve etnikë në Kosovë.
“Në Jugosllavi kishim një rrezik tjetër e ai është rreziku i gjenocidit dhe kjo duhej të parandalohej .Jam i lumtur që ndërkohë kemi zhvillime paqësore dhe vendet e Ballkanit Perëndimor secili ka perspektivën e vetë në drejtim të Bashkimit Evropian .Kjo është shenjë e mirë”, citohet të ketë thënë Scholz, transmeton Paparaci.
Aleanca veri-atlantike NATO, bombardoi caqet serbo-jugosllave për 73 ditë në vitin 1999, për ti dhënë fund spastrimit-etnik të Kosovës që po bëhej nga Serbia./Paparaci.com