Presidentja Vjosa Osmani-Sadriu, ka nënshkruar dy dekrete që janë të ndërlidhura me Ushtrinë e Republikës së Kosovës, raporton Paparaci.
Këto dy dekrete, të cilat janë marrë nga Komandantja Supreme e FSK-së, më 7 dhe 18 mars, kanë të bëjnë me beretën të cilën e përdorin pjesëtarët e ushtrisë së vendit tonë.
Në dekretin e 7 marsit, është miratuar dukja e Beretës së Gjelbër e Uniformës Kamuflazh të Forcave të Sigurisë.
I njëjti dekret, po ashtu është nxjerrë edhe më 18 mars, përveç ngjyrës që ndryshon, e cila në këtë rast, është vishnje.
Te të dyja aktet, është bërë e ditur se bartja e beretës së gjelbër, rrjedhimisht vishnje, bëhet në pajtim me aktin nënligjor të nxjerrë nga ministri i Mbrojtjes, Armend Mehaj.
Në gazetën zyrtare të Kosovës, përmes së cilës janë publikuar dekretet e nxjerra nga shefja e shtetit, shihen edhe si do të duken bereta e gjelbër dhe vishnje e uniformës së FSK-së. /Paparaci.com
