Neymar dhe Lionel Messi janë miq, por marrëdhënia e tyre shkon përtej vetëm të luajturit për të njëjtin klub, Paris Saint Germain.
Megjithatë, tani janë rivalë, pasi njëri do të tentojë të marrë në shtëpi Kupën e Botës me Brazilin dhe tjetri me Argjentinën.
Në një intervistë për The Telegraph, Neymar tha se ai është në formë të mirë dhe ai shpreson të jetë një turne i madh për të dhe vendin e tij.
“Jam i lumtur, po kaloj një kohë shumë të lumtur në klub, kështu që ndihem mirë i përgatitur”, tha ai.
Ylli brazilian gjithashtu pranoi se ai dhe Messi nuk e diskutuan me të vërtetë Kupën e Botës.
“Ndonjëherë kemi biseduar për mundësinë që të takohemi në gjysmëfinale ose në finale. Unë i them Messit që do të jem kampion dhe do ta mund atë”, tha ai.
Në moshën 30-vjeçare, Neymar arrin në Kupën e Botës në formë të mirë pas një fillimi të shkëlqyer të sezonit me PSG. Ai ka shënuar 13 gola dhe ka dhënë 11 asistime në 19 ndeshje në të gjitha garat.
“Gjatë karrierës sime kam arritur gjëra që nuk i kam imagjinuar kurrë. Nëse karriera ime do të përfundonte sot, do të isha njeriu më i lumtur në botë”, tha ai.
“Kupa e Botës është ëndrra ime më e madhe. Unë do të kem një tjetër shans dhe shpresoj ta marr atë”.