Përfaqësuesja e Kosovës në futboll do të zhvillojë sot ndeshjen e fundit për vitin 2022.
Në stadiumin “Fadil Vokrri”, Kosova do të pres kombëtaren e Ishujve Faroe, me fillim nga ora 18:00.
Ndeshjen e fundit miqësore, Kosova barazoi me rezultat 2-2 përball Armenisë, teksa sot e pret tjetër sfidë.
Për të dyja miqësoret, trajneri Alain Giresse ka grumbulluar futbollistë të rijnë përfshirë këtu edhe nga Superliga e Kosovës.
Ky do të jetë takimi i katërt mes dy ekipeve. Dy fitore i kanë takuar Kosovës me rezultat identik 2-0, derisa dueli i vetëm i zhvilluar në Ishujt Faroe kishte përfunduar pa fitues 1-1 në tetor të vitit 2018.