Deputetja e Partisë Demokratike të Kosovës, Ganimete Musliu, ka publikuar një video, në të cilën kryeministri i Kosovës Albin Kurti, shprehet se krimet më monstruoze gjatë luftës në Kosovë i kanë bërë shqiptarët, duke kryer trafikime të organeve.
Për këtë video Musliu është shprehur se pasi po kërkohen fajtorët e gjykatës, duhet filluar duke shqyrtuar faktet që kanë sjellur deri tek themelimi i kësaj gjykate.
Për këtë ajo fajëson Vetëvendosjen, duke thënë se në 15 vitet e fundit, në çdo seancë kanë përdorur fjalën kriminel.