Policia e Tiranës ka arrestuar kandidatin për deputet të LSI-së, Etion Joka, i cili akuzohet për korrupsion aktiv në zgjedhjet parlamentare.
Etion Joka u denoncua me video në emisionin “Breaking” në TopNews dhe ishte në kërkim nga policia deri më sot, raporton Gazeta-Shqip.
Ish kandidati Joka është filmuar në një video duke premtuar para për blerjen e votave në Tiranë.
Ai u shfaq me zë në videon e publikuar nga emisoni Breaking, teksa i jep 100 dollarë një qytetari që ishte angazhuar të mbledhë vota për LSI-në.
Po ashtu në të njëjtën video, një person i quajtur Edison Babo vijonte pazaret ku premtonte punësim për qytetarin pas zgjedhjeve. /Paparaci.com