Kirurgu plastik Adem Kllokoqi, i cili ishte i ftuari i radhës në “Paradoks me Vehbi Kajtazin”, ka dhënë shpjegime sa i përket arsyes se pse gratë po bëjnë operacione të ndryshme plastike.
Gjatë intervistes, Kllokoqi është shprehur se kjo temë nuk është më tabu, dhe gratë që po i bëjnë hundën, buzët, mjekrren, barkun e vithet, po e pranojnë publikisht.
Tutje, ai është shprehur se e pranon që arsyeja që gratë po i bëjnë operacionet, është se duan që të duken sa më bukur para burrave dhe të marrin vëmendjen në secilin vend që shkojnë.
“Pajtohem që edhe meshkujt edhe femrat duan me u ngrit, kudo që shkojmë është një femër që të tërhek, ajo don me u dallu prej tjerave dhe me pas vëmendje, dhe kësi raste ka kudo që shkojmë, në parlament, në ligjerata e kudo ajo që duket bukur bjen në sy”, është shprehur kirurgu.
Tutje, ai ka thënë se nuk duhet ikur nga kriteret e ekspertëve të botës, pasi ekzistojnë kritere për të gjitha operacionet, se si duhet të duket një hundë, veshët e për çdo gjë tjetër.
Ai ka shtuar se kjo gjë ekziston në secilin vend të botës, vetëm se kirurgët duhet të kenë kujdes që të mos dalin jashtë kritereve.