Deputeti i partisë turke në Kuvendin e Republikës, Enis Kervan, njëherit përfaqësues i Kosovës në KiE, ka kërkuar votën përkatëse nga Asambleja e Përgjithshme në favor të raportit të Dora Bakoyannis.
Ai ka thënë se si udhëheqësi kanë kryer të gjitha detyrat e kërkuara, andaj e meritojnë të jenë pjesë e kësaj familjeje të madhe, përcjell Paparaci.
“Përpara se të futem në këtë temë, dua të falënderoj nga zemra, Doran, për punën e saj të jashtëzakonshme dhe përkushtimin e patundur. Gjithashtu, dua të shpreh mirënjohjen për të gjithë ju dhe ata që keni kontribuar për ta bërë këtë moment historik si për Kosovën ashtu edhe për Këshillin e Evropës”, u shpreh Kervan.
“Kosova ka bërë përparim të dukshëm në përmbushjen e të gjitha kritereve për anëtarësim në Këshillin e Evropës”.
“Ne kemi mbështetur me zell parimet e shtetit të së drejtës, demokracisë dhe të drejtave të njeriut, me një angazhim të fortë për mbrojtjen e të drejtave të pakicave kombëtare”.