Me gjobë 400 euro është dënuar të premten kërcënuesi i Mimoza Kusari-Lilës, shefes së Grupit Parlamentar të Lëvizjes Vetëvendosje.
Verdikti i Gjykatës e ka zhgënjyer tej mase deputeten e LVV-së.
Ajo e ka akuzuar gjyqtarin Driton Berisha për drejtësi selektive, ndërsa ka kujtuar se i njëjti gjykatës ka vendosur ndryshe në raste të kanosjeve të deputetëve të tjerë të Kuvendit të Kosovës.
“Në Republikën e Kosovës kanosja e një deputeteje të PDK-së përmes mesazhit, apo një deputeti të LDK-së, dënohet me gjashtë muaj burgim, ndërsa në rast të marrëveshjes me katër muaj burg apo 2,000 euro gjobë. Ndërsa, inkuadrimi live në televizion kombëtar dhe veprimi i kanosjes dhe nxitjes e urrejtjes për një deputete të LVV-së, të ofron mundësinë e marrëveshjes me prokurorinë, hedhjen poshtë të njëres vepër penale, si dhe uljen e dënimit me gjobë në vlerë prej 400 €”, tha Kusari-Lila të premten.
Të tria aktgjykimet e sipërpërmenduara, tha ajo, janë nga i njëjti gjyqtar i Gjykatës Themelore në Prishtinë, Driton Berisha.
N
“ë rastin tim, gjyqtari Driton Berisha, përveç se rolin e gjyqtarit, në seancë e mori edhe rolin e mbrojtësit të të pandehurit, siç dëgjohet edhe në videon e postuar ditë më parë.
Me këto dënime, konfirmohet drejtësia selektive e aplikuar, e cila kryekëput varet nga përkatësia politike e palës së dëmtuar. Këtu ka çdo gjë, pos gjykim të drejtë dhe drejtësi nuk ka”, thuhet në reagimin e Kusari-Lilës”, u shpreh ajo.