fbpx

Të fundit

Përplasja e Piolit me gjyqtarin gjerman pas humbjes në Portugali

Trajneri i Milanit, Stefano Pioli nuk u nda aspak i kënaqur me arbitrin e ndeshjes dje pas humbjes së Milanit me rezultat 1-0 ndaj Portos.

Golin e fitores për Porton e shënoi Luis Diaz, por ankesa të shumta erdhën në drejtim të Felix Brych për një faull të mundshëm të paakorduar ndaj rossonerëve.

Para se të hynte në tunellin e stadiumit në fundin e ndeshjes, Pioli u dëgjua duke i thënë Brych-it: “Ishte faull, ishte faull”.

Duket se rossonerët nuk kanë fat këtë sezon me arbitrat pasi që muajin e kaluar kishin ankesa të shumta ndaj turkut Cüneyt Çakır.

Italianët nuk e kanë akoma asnjë pikë dhe kualifikimi i tyre do të ishte i mundshëm vetëm nëse fitojnë të tri ndeshjet rradhazi.

Milano do të presë Porton në shtëpi më 3 nëntor, më pas do të udhëtojë në Madrid dhe ndeshjen e fundit e ka ndaj Liverpoolit me 7 dhjetor.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparci