Të fundit

Synimi për Topin e Artë, flet ylli i Realit

Karim Benzema ka thënë se kur e kishte parë ish-bashkëlojtarin e vet te Real Madridi, Cristiano Ronaldo, duke e fituar Topin e Artë, e kishte krijuar një bindje se dhe ai mund ta fitojë atë një ditë.

Benzema është përfolur së fundmi si njëri prej favoritëve per Topin e Artë bashkë me Lionel Messi, Robert Lewandowski dhe Jorginho.

Real Madridi dhe yjet e dikurshme dhe ato të tanishme franceze janë duke e mbështetur fuqishëm fushatën e Benzemas në përpjekje për ta fituar për herë të parë çmimin më prestigjioz individual.

“Gjithmonë ka qenë synimi im, gjithmonë e kam pasur në mendje, kur Cristiano Ronaldo e fitoi, mendova me vete se edhe unë mund ta fitoj atë”, tha Benzema për ESPN.

“Mund të them se kurrë nuk kam qenë më afër ta fitoj atë falë paraqitjeve të mia, për shkak të arritjeve në tri apo katër vitet e fundit. Nuk jam shumë larg”, shtoi ai.

Benzema është duke kaluar nëpër formë jetësore në vitin 2021 dhe i ndihmoi Francës ta fitojë Ligën e Kombeve së fundmi. /Paparaci

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci