Një person është plagosur rëndë me thikë të martën në fshatin Qupevë e Ulët të Klinës.
Ngjarja ka ndodhur mbrëmë rreth orës 18:20, ka bërë të ditur Policia e Kosovës.
“Nga QKMF në Klinë Policia është njoftuar se një person është lënduar nga mjeti i mprehtë (thikë), i njëjti me autoambulancë është dërguar në Spitalin Rajonal në Pejë, dhe për shkak të natyrës së lëndimeve viktima është dërguar ne QKUK-Prishtinë”, ka njoftuar policia.
Të dyshuarit për plagosjen fillimisht u arratisën, për t’u kapur nga policia gjatë mbrëmjes.
“Pas një pune intensive të Policisë, mbrëmë rreth orës 23:00, është arritur të identifikohen dhe arrestohen tre (3) persona të dyshuar, një nga ta i mitur”, bëri të ditur policia.
Të dyshuarit në prezencë të avokatit mbrojtës dhe punëtorit social janë intervistuar dhe me urdhër të Prokurorit të shtetit janë dërguar në mbajtje.