Të fundit

Ndihmësi i ish-presidentit Trump rrezikon të përballet me drejtësinë

Ligjvënësit amerikanë kanë kërkuar procedimin penal të ndihmësit të ish-presidentit Donald Tramp për shkak se nuk po ndihmon në zbardhjen e revoltës së 6 janarit në Kongresin e SHBA-së.

Stiv Benon nuk ishte në presidencë gjatë trazirave të janarit, por ai ishte thirrur të jepte dëshminë për paralajmërimin që dha atë kohë se ngjarja kishte për të përshkallëzuar.

Kryetari i komisionit hetimor i ngritur nga demokratët tha se 67-vjeçari refuzoi të paraqitej dhe duhet të mbajë përgjegjësi që nuk iu bind Kongresit.

“Si kryetar i komisionit nuk do të lejoj pengesa në sundimin e ligjit. Benon duhet t’i bindet hetimit ose të përballet me pasojat. Këtë ta kenë parasysh edhe dëshmitarët e tjerë.”

“Mbrojtja e Kushtetutës dhe e ligjit është thelbësore gjatë hetimit. Fakti është se zotëria nuk ka të drejtë ligjore ta shpërfillë urdhrin e ligjshëm për t’u paraqitur në komision.”

Benon shërbeu si strateg politik në Shtëpinë e Bardhë deri në vitin 2017.

Ai ka thënë se nuk do të dëshmojë  për sa kohë ka një marrëveshje për të ruajtur sekretin e marrëdhënieve të tij me ish-presidentin Tramp.

Trazirat e 6 janarit u nxitën nga ish-kreu i shtetit pasi humbi zgjedhjet kundër rivalit demokrat, Joe Biden, dhe deri tani për sulmin dhe mësymjen në Kongres janë proceduar mbi 670 persona.

 

Video nga Paradoks

"Ky veç po u jep peshqi": Pse populli po vazhdon ta zgjedh VV-në? Doarsa flet për sondazhet - "Nesër me shku n'zgjedhje jemi gati"

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci