Ish-ambasadori i Kosovës në Hagë, Lirim Grajçevci është bërë pjesë e ekipit mbrojtës të ish-presidentit, Hashim Thaçi, i cili po akuzohet për krime lufte dhe krime kundër njerëzimit nga Gjykata Speciale në Hagë.
Këtë e ka konfirmuar vet ai në një intervistë për portalin Indeksonline.
“Po, ashtu siç ishte përcaktuar në vendim për largimin nga misioni, unë e kam përmbyllur misionin tim diplomatik në Hagë më 30 gusht 2021, dhe jam kthyer në Kosovë. Mirëpo, tani jam rikthyer në Hagë si këshilltar në ekipin mbrojtës të z. Hashim Thaçi”, ka thënë ai.
Lidhur me bashkëpunimin që kanë institucionet e Kosovës me Gjykatën Speciale, Grajçevci tha se është i pashembullt kudo në botë.