Policia e Kosovës ka arrestuar të mërkurën një 45-vjeçar të dyshuar për veprën penale “keqpërdorim i fëmijëve në pornografi”.
I arrestuari dyshohet se ka poseduar materiale me përmbajtje abuzuese seksuale me fëmijë, tha Policia e Kosovës në një njoftim të mërkurën.
“Këto materiale, duke përdorur aplikacione për komunikim online, i ka shkarkuar dhe i ka shpërndarë edhe me persona tjerë. Në cilësi të provave janë sekuestruar një telefon celular dhe një laptop”, ka thënë policia.
Me aktvendim të prokurorit, i dyshuari dërgohet në mbajtje deri në 48 orë. /Paparaci