Analisti politik Visar Ymeri ka vlerësuar se kandidatët e propozuar nga Lëvizja Vetëvendosje nuk janë zgjidhja më e mirë për postin e presidentit.
Në emisionin “VV Show” të gazetarit Vehbi Kajtazi, Ymeri u pyet nëse Fatmire Kollçaku do të ishte zgjedhje e mirë për presidente.
Ai u përgjigj se nëse ajo i merr votat e deputetëve, atëherë mund të zgjidhet, por shtoi se personalisht nuk e sheh si opsionin më të mirë.
“Po, nëse e votojnë deputetët le të bëhet, por për mu, mes të dyve, ma i mirë është Haki Abazi,” tha Ymeri.
Megjithatë, ai theksoi se asnjëri nga kandidatët nuk i plotëson kriteret për të qenë president i vendit.
“Mendoj se asnjani nuk është i mirë për president, sepse vijnë të dy nga LVV dhe fatkeqësisht nuk janë të mirë mjaftueshëm për me i ba ballë presionit të Kurtit,” u shpreh ai.
Ymeri shtoi se përpjekja e LVV-së për të kontrolluar të gjitha institucionet është e gabuar dhe se qëndrimi i partive të tjera në këtë rast është i arsyeshëm.
“Nëse LVV pretendon me kontrollu krejt pushtetin, atëherë e ka gabim dhe këtu po e bëjnë një të mirë partitë politike që nuk po e lejojnë,” përfundoi Ymeri.